ЯРОСЛАВ СТЕПАНОВИЧ БОРДЮГ
Чужис 1956 вося рака тöлысь 29 лунö Коми Республикаын Печора районса Кöджарöм посёлокын.
Вылыс тöдöмлуна. 1980 воын помалiс Сыктывкарса канму университет, уджсикасыс – «Финансъяс да кредит».
1973 восянь – электромонтёрлöн велöдчысь, Войвывса кöрт туйлöн энергияöн могмöдан Воркута участокса электромонтёр.
1974 восянь – Сыктывкарса канму университетлöн лунся дасьтысян юкöнса кывзысь, студент.
1980 восянь – Печораса горисполкомын госдоход юкöнса старшöй экономист, госдоход юкöнса начальниклысь могъяс олöмö пöртысь – сьöм овмöс юкöнлöн веськöдлысьöс вежысь, веськöдлысь.
1994 восянь – Коми Республикалöн сьöм овмöсса министрöс вежысь – сьöмкуд овмöсса юкöнлöн начальник, министрöс вежысь.
2004 восянь – Коми Республикаса экономика сöвмöдан министрöс медводдза вежысь.
2009 восянь – Федеральнöй антимонопольнöй службалöн Коми Республикаын веськöдланiнса юрнуöдысьлысь могъяс олöмö пöртысь, юрнуöдысь.
2011 вося урасьöм тöлысь 2 лунсянь Коми Республикаса Юралысьлöн тшöктöмöн индöма Коми Республикаса йöзлысь дзоньвидзалун видзан министр чинö.
Сетöма Коми Республикаса Почёт грамота, «Ставроссияса йöзöс гижалöмö пай пуктöмысь» медаль. Коми Республикаса нимöдана уджалысь.
