Коми Республикалöн Государственнöй Сöветса Веськöдлысь - "Единая Россия" Ставроссияса политическöй партиялöн Коми региональнöй юкöнын öтувъя бöрйысян округсянь Коми Республикалöн Государственнöй Сöветса депутат
Чужис 1965 вося ноябр 26 лунö Коми Республикаса Инта карын.
Образованиеыс высшöй. 1988 воын помаліс Сыктывкарса государственнöй университет, специальносьтыс - "Финансъяс да кредит".
2000 воын - Рытыв-Войвыв государственнöй служба академия, специальносьтыс - "Государственнöй да муниципальнöй веськöдлöм".
1988 восянь уджаліс кредитнöй юкöнын.
1996 восянь - "Ухтабанк" ВАК-лöн Инта филиалса юрнуöдысь.
2000 восянь - "Интауголь" ВАК-са юралысь бухгалтер.
1999 воын бöрйöма Инта муниципальнöй юкöнлöн сöветса депутатöн. Бюджет, вот да муниципальнöй эмбур комиссияса веськöдлысьöн.
2003 воын бöрйöма Интаса бöрйысян округсянь Коми Республикалöн III бöръян Государственнöй Сöветса депутатöн.
2003 восянь - Бюджет, вот да экономическöй политика комитетса веськöдлысь.
2006 восянь - Коми Республикалöн III бöръян Государственнöй Сöветса Веськöдлысь.
2007 воын бöрйöма "Единая Россия" партияса Коми региональнöй юкöнын öтувъя бöрйысян округсянь Коми Республикалöн Государственнöй Сöветса депутатöн, Коми Республикалöн Государственнöй Сöветса Веськöдлысьöн.
2005 восянь - Коми Республикаса Государственнöй Сöветын "Единая Россия" партиялöн депутатъяс группаса юрнуöдысь.
2006 восянь - "Единая Россия" партияса Коми региональнöй юкöнлöн политсöветса секретар.
2006 восянь - "Покаяние" фондса веськöдлысь.
2007 восянь 2008 воöдз - Россиялöн Рытыв-Войвыв Парламентскöй ассоциацияса веськöдлысь. Пырö Россия Федерацияса Федеральнöй Собраниелöн Федерация Сöветлöн Россия Федерацияса субъектъяслöн государственнöй власьт законодательнöй (бöрйöм) органъяскöд йитöд кутöм кузя Сöветса Президиумö (Законодательяс Сöвет).
Россия Федерацияса Президентлöн Индöдöн пыртöма Россия Федерацияса делегация составö 2006-2008 воясын Европаса меставывса да региональнöй власьтъяслöн конгрессын участвуйтöм могысь.
Верöс сайын, быдтö нылöс да пиöс.
