Чужис 1966 вося декабр 28 лунö Коми АССР-са Инта карын. Национальносьтыс - коми.
Образованиеыс высшöй. 1991 воын помаліс Москваса экономико-статистическöй институт, специальносьтыс - "Веськöдлöмын автоматизируйтöм системаяс";
1999 воын - Экономика, статистика да информатика кузя Москваса государственнöй университет, специальносьтыс - "Финансъяс да кредит".
1991 восянь - регионса представительствояс секторса эксперт, "Менатеп" научно-техническöй прогресса акционернöй коммерческöй инновационнöй банклöн Сыктывкар филиалса веськöдлысьöс вежысь.
1993 восянь - частнöй вкладъяс юкöнса начальник, "Комибанк" акционернöй коммерческöй банкса вице-президент.
1996 восянь - веськöдлысьöс вежысь, "Коми социальнöй банк" коммерческöй банклöн правлениеса веськöдлысь.
2002 восянь - Коми Республикалöн сьöм овмöсса министрöс медводдза вежысь.
2003 вося июль 22 лунсянь Коми Республикаса Юралысьлöн Индöдöн индöма Коми Республикалöн сьöм овмöсса министрöн.
2004 вося ода-кора 27 лунсянь Коми Республикаса Юралысьлöн Индöдöн индöма Коми Республикаса Юралысьöс вежысь-Коми Республикалöн сьöм овмöсса министр чинö.
2009 вося ода-кора 20 лунсянь Коми Республикаса Юралысьлöн тшöктöмöн индöма Коми Республикаса Юралысьöс Медводдза вежысь-Коми Республикалöн сьöм овмöсса министр чинö.
2010 вося тöвшöр тöлысь 6 лунö Россия Федерацияса Президент Д.А.Медведев сетiс видлавны Коми Республикаса Государственнöй Сöветлы В.М.Гайзерлысь кандидатурасö сылы Коми Республикаса Юралысьлысь уджмогъяс сетöм могысь.
2010 вося тöвшöр тöлысь 15 лунö Коми Республикаса Государственнöй Сöвет вынсьöдiс Коми Республикаса Юралысь чинö. Босьтчис уджö 2010 вося тöвшöр тöлысь 15 лунö.
Коми Республикаса нимöдана уджалысь. Сетöма «Коми Республика водзын заслугаясысь» отличие пас, Коми Республикаса почёт грамота.
