ВЛАДИМИР АЛЕКСАНДРОВИЧ ТОРЛОПОВ
Чужис 1949 вося вöльгым тöлысь 14 лунын Сыктывкарын, уна челядя семьяын. Коми. Батьыс - Александр Полиектович, фронтöвик, веськöдлiс вöр кылöдысьяслöн профсоюзöн, мамыс - Мария Петровна, ичöт школаса велöдысь.
Вылыс тöдöмлуна. 1971 воын помаліс Коми государственнöй педагогическöй институт;
1988 воын - Ленинградса Высшöй партийнöй школа.
Социология наукаса доктор, Герцен нима Санкт-Петербургса государственнöй педагогическöй университетса докторскöй Учёнöй сöветö пырысь.
1971 восянь - шöр школаын физика велöдысь. (1972-1973 - служитiс армияын).
1974 восянь - инструктор, юкöнöн веськöдлысь, область профсоюз сöветлöн государственнöй учреждениеясын уджалысьяслöн профсоюзъяс Коми обкомöн веськöдлысь.
1990 воын - бöрйöма Межадорса 150 №-а бöрйысян кытшса (Сыктыв район) профессиональнöй котыръяссянь Коми Республикалöн Медвылыс Сöветса депутатö.
1993 восянь - Коми Республикалöн Министръяс Сöветса Веськöдлысьöс йöзлы отсöг сетöм кузя медводдза вежысь.
1995 да 1999 воясын - бöрйöма 1 №-а Лесозаводскöй мутасса бöрйысян кытшсянь Коми Республикаса Каналан Сöветö депутатöн (Сыктывкар). Каналан Сöветса Веськöдлысь.
1996 восянь - Россия Федерацияса Федеральнöй Собраниелöн Федерация Сöветö пырысь, Федерация Сöветын йöзлы отсöг сетан комитетса веськöдлысь.
2001 вося öшым тöлысь 16 лунö бöрйöма Коми Республикаса Юралысьö. Уджö босьтчис 2002 вося тöв шöр тöлысь 15 лунö.
2005 вося öшым тöлысь 7 лунö Россия Федерацияса Президентöн вöзйöм серти Коми Республикаса Каналан Сöвет мöдысь вынсьöдiс Коми Республикаса Юралысьö. Уджö босьтчис 2006 вося тöв шöр тöлысь 15 лунсянь.
2010 во рака тöлысь 3 лунö сетöма Коми Республикаса Веськöдлан котырсянь Федерация Сöветö пырысьлысь уджмогъяс
Коми Республикаса нимöдана уджалысь.
Россия Федерацияса Президент сетiс 1999 вося вöльгым тöлысь 14 лунö Почёт орден;
2005 вося сора тöлысь 25 лунö Россия Федерацияса Президент сетiс аттьöалана гижöд.
2006 во вöльгым тöлысь 13 лунö "Коми Республика социально-экономическöя сöвмöдöмö ыджыд пай пуктöмысь да уна вося бур уджысь" сетöма "Отечество водзын заслугаясысь" IV степеня орден.
Наградитöма Преподобнöй Сергий Радонежский орденöн. Сетiсны "Федерация" нимпасын Святослав Фёдоров нима премия, "За благородные помыслы и достойные деяния" памятнöй медаль, Великöй Отечественнöй войнаын вермöмсянь 60 волы сиöм памятнöй медаль.
Эм гöтыр, кык ныв.
