АЛЕКСЕЙ ЛЕОНИДОВИЧ ЧЕРНОВ
Чужис 1968 вося öшым тöлысь 24 лунö Ленинградын.
Вылыс тöдöмлуна. 1998 воын помаліс Санкт-Петербургса государственнöй морскöй техническöй университет, уджсикас сертиыс – "Экономист – Машина стрöитан предприятиеын экономика да веськöдлöм";
2002 воын – Санкт-Петербургса экономика да сьöм университет, уджсикас сертиыс – "Менеджмент – Маркетинг".
1987-сянь 1989 воöдз – служитiс армияын.
1989 восянь – "Ленфильм" киностудияын кинорежиссёрлы отсасьысь.
1990-сянь 2002 воöдз – уджаліс уна сикас компанияын юрнуöдысь чинын.
2002 вося сора тöлысь 22 лунсянь – Коми Республикаса Юралысьлöн сöветник, медыджыд сöветник.
2003 вося тöвшöр тöлысь 14 лунсянь – Коми Республикаса Юралысьлöн медыджыд сöветник.
2006 восянь - Коми Республикаса Юралысьöс вежысь, Коми Республикаса Юралысьöс Медводдза вежысь.
2011 вося урасьöм тöлысь 17 лунся Коми Республикаса Юралысьлöн тшöктöмöн индöма Коми Республикаса Юралысьöс Медводдза вежысь чинö.
Коми Республикаса нимöдана уджалысь. Сетöма «Отечество водзын заслугаясысь» II степеня орденлысь медаль, «Коми Республика водзын заслугаясысь» отличие пас, Коми Республикаса почёт грамота.
Гöтыра. Эм ныв да пи.
