Урасьöм тöлысь 25 да 26 лунъясö Коми Республикаса Юралысьöс вежысь Константин Ромаданов волiс Печораö да Ухтаö
Печораын К.Ромаданов волiс Конецбор грездса ичöт школаö, кöнi велöдчö 22 морт. Школасö стрöитöма 4 тöлысьöн выль технология серти öдйö кыпöдан конструкцияясысь. Тайö примерсö, кыдзи пасйис Коми Республикаса Юралысьöс вежысь, лоö босьтöма подув пыдди Коми Республикаын ичöт вынйöра школаяс стрöитiгöн.
Печораса шöр районнöй больничаын Константин Ромаданов кыпыда восьтiс первичнöй сосудистöй отделение. Сiйöс арталöма 30 пациент вылö да комплектуйтöма выль оборудованиеöн, сы лыдын ультразвукöвöй туялöмъяс вылö компьютернöй томографöн да диагностическöй комплексöн. Республикаса Юралысьöс вежысь волiс сiдзжö выльмöдöм инфекционнöй отделениеö, а сiдзжö гемодиализ отделениеö, мый таво капитальнöя дзоньталасны.
Удж кузя Константин Ромаданов аддзысьлiс Великöй Отечественнöй войнаса ветеранъяскöд. Республикаса Юралысьöс вежысь чолöмалiс найöс матыстчан гöгрöс пасöн да сетiс налы «Вермöмлы 65 во» медальяс.
Ухтаын Константин Ромаданов волiс карса 1 №-а больничаö, мый капитальнöя дзоньталöны. Сiйöс помалöм бöрын тайö бурдöдчан учреждениеын сiдзжö лоö восьтöма первичнöй сосудистöй отделение.
Фотографияяс
 |
