Коми Республикаса Юралысь Вячеслав Гайзер участвуйтiс «Öнiя условиеын Россияса войвылын монокаръяс социально-экономическöя сöвмöдан тöдчана могъяс» регионкостса научно-практическöй конференцияын
Кыдзи пасйис аслас сёрниын Вячеслав Гайзер, монокаръясын социально-экономическöй серпасыс петкöдлö, мый кар артмöдысь предприятиеяс оз вермыны ас кежысь сувтны кризиснöй экономическöй лоöмторъяслы паныд. Но тайö оз вермы лоны помкаöн, медым не кывкутны тайö каръясса олысьяс водзын.
«Россияса Президент да странаса Правительство талун сувтöдiсны мог – решитны монокаръяс водзын сулалысь сьöкыдлунъяс. Та дырйи торйöн колö кутны олöмас социальнöй зумыдлун. «Коми Республика оз вермы лоны таысь бокын, сы вöсна мый став Россияса списокын 335 монокар лыдö пырисны и миян республикаысь Воркута, Инта, Емва, Зöвсьöрт», – тöдчöдiс В.Гайзер.
Коми Республикаса Юралысь сiдзжö содтiс, мый республикаса нёльнан кар пиысь быдöнлы модернизируйтан план лöсьöдiгöн лоö бöрйöма найöс водзö сöвмöдан туйвизьяс да примитöма бур управленческöй да инвестиционнöй решениеяс. Вячеслав Гайзерлöн видзöдлас серти, тайö документъяссö лöсьöдiгöн колö кутны тöд вылын сэтчöс позянлунъяссö, карлысь да кар артмöдысь предприятиелысь öтувъя интересъяссö. Медводз танi колö сёрнитны инвесторъясöс аддзöм йылысь да выль производствояс котыртöм йылысь, ичöт да шöр бизнес сöвмöдöм йылысь, и колö шуны, абу сöмын вузасьöмын да услуга сетöмын, но и экономикалöн збыль секторын.
*** Форумсö котыртiсны Коми Республикаса Веськöдлан котырлöн отсöгöн Россиялöн Заполярьеса да Ылi Войвывса каръяслöн союз, Коми республиканскöй госслужба академия.
Фотографияяс
 |
 |
Видео
Видео видзцдны позянлуныс абу.
Колц flash-player.
