КОМИ РЕСПУБЛИКАСА ИНВЕСТИЦИЯЯС, СЬÖМ ОВМÖС, ИЧÖТ ПРЕДПРИНИМАТЕЛЬСТВО

Инвестицияяс

2009 воын финансируйтан став источник тшöт весьтö медшöр капиталö сетöма инвестицияяс 108,4 млрд. шайт, мый 23,5% вылö (öтластитöм донъясöн) унджык 2008 во серти.

2009 воын Коми Республикаса гырысь да шöр организацияяслöн медшöр капиталын инвестицияяс лоисны 99,7 млрд. шайт, мый 37,8% вылö (öтластитöм донъясöн) унджык 2008 вося тшупöдысь. 2009 воын медшöр капиталö гырысь да шöр организацияяс кузя инвестицияяс збыльмöдсисны ёнджыкасö кыскöм сьöм тшöт весьтö (69%) 2008 во серти торъялöмöн, кöнi инвестиция тэчасын медшöр капиталын пайыс вöлi ас сьöм (51%). 2009 воын кыскöм сьöм источникъясö пыртöм бюджетнöй сьöмыслöн пайыс став инвестиция серти 4%.

2009 воын инвестиция тэчасын гырысь да шöр организацияяслöн шöр фонд сикасъяс серти медшöр капиталын став мында серти медыджыд удельнöй сьöктаыс (65%) лоöны зданиеясö (оланысь кындзи) да стрöйбаясö инвестицияяс, машинаяс, оборудование, транспорт средствояс ньöбöм вылö инвестицияяслöн пайыс – 24%, оланiнö – 1%, мукöдтор вылö – 10%.

Экономика удж кузя инвестиция тэчасын медшöр капиталын гырысь да шöр организацияяслöн медшöр капиталö медыджыд удельнöй сьöктаыс 2009 воын лоис транспорт да связь сöвмöдöм вылö (51%), мупытшса озырлун перйöм вылö (20%) да обработайтан производство вылö(14%).

 

Медшöр лыдпасъяс

2001 во	2002 во	2003 во	2004 во	2005 во	2006 во	2007 во	2008 во	2009 во
Медшöр капиталö инвестицияяс, млн. шайт
21696,5	22059,3	25422,2	34480,8	50409,4	74170,1	63025,0	83656,2	108359,8
Выль шöр фондъяс пыртöм, млн. шайт
17105	15476	19454	27007	29142	53081	68048	50444	…

… - лыдпасъяс абуöсь.

 

Коми Республикаын збыльмöдöны да планируйтöны збыльмöдны татшöм гырысь инвестиция балаяс:

«Бованенково-Ухта магистральнöй биару провод система стрöитöм» («Ямал – Европа» мега-бала серти) («Газпром» ВАК);

«Архангельск – Сыктывкар – Перым (Соликамск) кöрт туй магистраль стрöитöм» («Белкомур» бала) («Белкомур» МК ВАК);

«Сыктывкар – Ухта – Печора – Усинск – Нарьян-Мар Воркута и Салехард каръясö пыранiнъясöн» автомашина туй стрöитöм (Коми Республикаса туй агентство);

«Сыктывкарын аэропорт стрöитöм (Соколовка м.), 1-ой öчередь пускöвöй комплекс стрöитöмсö помалöм» («Аэропорт комплексъяслöн дирекция» ФГУ);

«Усинскса биару месторождениеысь Пермокарбонöвöй куйлöдъяс перйöм» («ЛУКОЙЛ-Коми» ИКК);

«Кыртаёльса биару месторождение перйöм» («ЛУКОЙЛ-Коми» ИКК);

«Ярегаса мусир месторождение перйöм» («ЛУКОЙЛ-Коми» ИКК);

«Средне-Макарихинскöй мусир куйлöд лöсьöдöм» («Роснефть» НК» ВАК);

«Мусир да биару вöчöм да переработайтöм кузя комплекслысь медводдза öчередь стрöитöм вонас 1 млн. тонна уль мусир перйöмöн» («Енисей» ИКК);

«Сыктывкарса промузел биаруöн могмöдöм» («Газпром» ВАК);

«Руда перйöм да переработайтöм кузя Ярегаса горно-химическöй комплекс вонас 650 сюрс тоннаöдз вынйöрöн» («ЯрегаРуда» ВАК);

«Монди Сыктывкарса ЛПК» ВАК-лысь вöр переработайтан инфраструктура лöсьöдöм да выльмöдöм (СТЕП бала) («Монди Сыктывкарса ЛПК» ВАК);

«Вöр пыдiсянь (шыбластöг) переработайтöм вонас 750 сюрс куб.м дась прöдукция лэдзан вынйöрöн» («ЦентроВудКом» ИКК);

«ОСП вöчан Сыктывкарса завод» («Ориентировано-стружечнöй плитаяс вöчан Сыктывкарса завод» ИКК);

«Пуысь керкаяс стрöитöм вылö конструктивнöй элементъяс вöчöм кузя завод стрöитöм» («1 №-а Лесозавод» ИКК);

«Massiv-Holz-Mauer технология серти массивнöй панельясысь сборнöй пу керкаяс стрöитöм, пуысь керкаяс стрöитöм вылö страндартнöй изделиеяс да конструкцияяс вöчöм» («Сыктывкарса промышленнöй комбинат» ИКК);

«Печораса ГРЭС-Ухта-Микунь» ВЛ 220 кВ стрöитöм» («ФСК ЕЭС» ВАК);

«Коми Республикаын коммунальнöй овмöс сöвмöдан проект. Сыктывкарын ваöн могмöдан да ва нуöдан услугаяс» («Сыктывкарса Водоканал» МÖП);

«2008-2012 вояс вылö «Ухта» КК МЮ-лöн ваöн могмöдан да ва нуöдан системалысь инженернöй инфраструктура сöвмöдöм да выльмöдöм» инвестиционнöй муниципальнöй уджтас» («Ухтаводоканал» МÖП).

Инвестиционнöй проектъясöн да вöзйöмъясöн каталог йöзöдöма Коми Республикаса официальнöй Öтуввез-порталын Коми Республикаса экономика сöвмöдан министерстволöн сайтын (www.econom.rkomi.ru) «Инвестицияяс» юкöдын.

 

Йöз муысь инвестицияяс

Коми Республикаын 2009 во пом вылö чукöртöм йöз муысь капиталыс 1567,3 млн. США доллар. 2009 воын республикаса экономикаö инвестируйтöма 904,0 млн. США доллар.

2009 воын прямöй инвесторъяссянь йöз муысь вложениеяссö сетiсны ёнджыкасö обработайтан производствоö. Индöм уджъяс нуöдöм вылö прямöй инвестицияяслöн öтувъя мындаыс вöлi 167,0 млн. США доллар, либö став прямöй инвестицияяслöн 78,4 %.

2009 волöн кывкöртöдъяс серти медшöр страна-инвесторъясöн лоины Германия (став вложениеяс серти 26,7%) да Австрия (26,1%).

 

Кредитнöй рейтингъяс

Коми Республикалöн инвестицияяс кыскан тшупöдыс зэв вылын, мый вынсьöдöма мирöвöй да отечественнöй нуöдысь агентствояслöн тöдчымöн вылын рейтингъясöн.

Коми Республика ёртасьö нималана мирöвöй да отечественнöй рейтингöвöй агентствояскöд: "Moody's Investors Service", "Fitch Ratings", "Эксперт РА" да "АК&М".

 

2009 воын Коми Республикаса рейтингъяс:

национальнöй дыркадся кредитнöй рейтинг «AA-(rus)» категорияа «Стабильнöй» («Fitch Ratings») прогнозöн;

йöз муысь да национальнöй валютаöн войтыркостса дыркадся рейтинг «ВВ» тшупöдын «Стабильнöй» («Fitch Ratings») прогнозöн;

«B» йöз муысь валютаöн регыд кадся рейтинг («Fitch Ratings»);

национальнöй кредитнöй рейтинг «Аa2.ru» тшупöдын («Moody’s Investors Service»);

йöз муысь да национальнöй валютаöн войтыркостса кредитнöй рейтинг «Ba2» («Moody’s Investors Service»)

кредитнöй рейтинг «3В1» тшупöдын (консорциум «Эксперт РА – АК&М»).

 

Коми Республикаса валютнöй кредитнöй войтыркостса рейтингъяслöн динамика
2001 во	2002 во	2003 во	2004 во	2005 во	2006 во	2007 во	2008 во	2009 во
«Moody’s Investors Service» агентство
В2 Стабильнöй	В2 Стабильнöй	В1 Стабильнöй	Ва3 Стабильнöй	Ва3 Стабильнöй	Ва2 Стабильнöй	Ва2 Стабильнöй	Ва2 Стабильнöй	Ва2 Стабильнöй
«Fitch Ratings» агентство
ССС Стабильнöй	В+ Стабильнöй	В+ Стабильнöй	В+ Стабильнöй	В+ Позитивнöй	ВВ- Стабильнöй	ВВ- Позитивнöй	ВВ Стабильнöй	ВВ Стабильнöй

 

Инновацияяс

Естественно-природнöй да историческöй помкаяс серти Коми Республика ёнджыкасö лоö инновацияясöн вöдитчысьöн, мый босьтö бокысь. Медъёна наука отсöгöн вöчанторъясöн вöдитчöны Коми Республикаса гырысь организацияяс.

Наука туялöмъяс да разработкаяс нуöдöны республикалöн 23 гырысь да шöр научнöй учреждениеын, кöнi 13 – наука туялан институтъяс. Наука да наука боксянь могмöдан юкöнын уджалöны 2 сюрс гöгöр морт, сы лыдын 1,4 сюрс научнöй сотрудник. Таысь кындзи, 2009 воын пасйöма 60 ичöт предприятие (6 ичöт предприятие, 48 посни предприятие да 6 асшöр уджалысь) «наука туялöмъяс да разработкаяс» шöр удж сикасöн.

Коми Республикаын академическöй туялöмъяс нуöдö РНА УрЮ Коми наука шöрин – наука боксянь уна отрасль туялан комплекс, кытчö пырö 6 институт: биология, геология, кыв, литература да история, физиология, химия, Войвывлöн социально-экономическöй да энергетическöй мытшöдъяс; научно-экспериментальнöй биологическöй Выльгортса станция.

Наука удж секторын медся гырысьясöн лоöны государственнöй да предпринимательскöй секторъяс. 2009 воын туялöмъяс да разработкаяс вылö пытшкöс рöскодыс лоис лöсялöмöн 42% да 57%. Вылыс тöдöмлун секторын туялöмъяс да разработкаяс вылö мунiс 2%.

Республикаса туялöмъяс да разработкаяс вылö мунiс быдлунъя пытшкöс рöскодыс 45% фундаментальнöй туялöмъяс вылö, 40% – разработкаяс вылö да 13% – прикладнöй туялöмъяс вылö.

Технологическöй инновацияяс вöлi веськöдöма, ёнджыкасö, электроэнергия, биару да ва вöчöм да юклöм вылö, ломтас да энергетика, вöр промышленносьт комплекс вылö, сёян-юан вöчöм вылö.

 

Дона кабалаяс рынок

2010 во заводитчöм вылö Коми Республикаын пасйöма 165 восьса акционер котыр да 272 пöдса акционер котыр. 2009 воын Коми Республикаса акционер котыръясöн лэдзöм акцияяс тшöт весьтö кыскöма капиталсö 1340,9 млн. шайт вылö, сы лыдын содтöд лэдзöм тшöт весьтö – 621,2 млн. шайт.

 

Коми Республикаса облигационнöй заёмъяс

Лэдзöма татшöм республиканскöй облигационнöй заёмъяс:

- 2003 вося Коми Республикалöн облигационнöй заём 700 млн. шайт вылö, сьöмсö веськöдöма Коми Республикаса республиканскöй бюджетлысь дефицит тупкöм вылö. Заёмöн вöдитчан кад – 7 во, облигацияяс вештан кад – 2010 вося йирым тöлысь 14 лун. Облигацияяс кузя индöма мынтыны воджынся купонъяс;

- 2004 вося Коми Республикалöн облигационнöй заём 1 млрд. шайт вылö, сьöмсö веськöдöма Коми Республикаса республиканскöй бюджетлысь дефицит тупкöм вылö. Став заём облигацияяссö сетöма инвесторъяслы. Заёмöн вöдитчан кад – 9 во, облигацияяс вештан кад – 2013 вося вöльгым тöлысь 22 лун, индöма медводдза номинальнöй донысь 50% мында уджйöзсö амортизуйтны 2012 вося вöльгым тöлысь 23 лунö да 2013 вося вöльгым тöлысь 22 лунö. Облигацияяс серти индöма мынтыны воджынся купонъяс.

- 2005 вося Коми Республикалöн облигационнöй заём 1 млрд. шайт вылö, сьöмсö веськöдöма Коми Республикаса республиканскöй бюджетлысь дефицит тупкöм вылö. Став заём облигацияяссö сетöма инвесторъяслы. Заёмöн вöдитчан кад – 10 во, облигацияяс вештан кад – 2015 вося öшым тöлысь 3 лун, индöма медводдза номинальнöй донысь 50% мында уджйöзсö амортизуйтны 2014 вося кöч тöлысь 3 лунö да 2015 вося öшым тöлысь 3 лунö. Облигацияяс серти индöма мынтыны воджынся купонъяс.

 

Банковскöй сектор

2010 вося тöвшöр тöлысь 1 лун вылö Коми Республикалöн татшöм банковскöй сектор: 3 асшöр кредитнöй организация 7 филиалöн; мукöд регионса банкъяслöн 27 филиал (на лыдын Россия Федерацияса Сбербанклöн 7 филиал); 132 содтöд, 17 операционнöй, 11 кредитно-кассöвöй офисъяс; кассаысь бокын 87 операционнöй кассаяс; 1 представительство.

 

2010 вося тöвшöр тöлысь 1 лун вылö Коми Республикаын уджалысь кредитнöй организацияяс лыддьöг
Региональнöй банкъяс
1.	«Ухтабанк» Коми региональнöй банк ВАК Ухта к.
2.	«Северный народный банк» АКБ (ВАК) Сыктывкар
3.	«Город» АКБ (ПАК) Воркута к.
Мöд регионса банк филиалъяс
1.	Россия Федерацияса акционернöй коммерческöй сберегательнöй банклöн 8617 №-а Коми юкöн (ВАК) Сыктывкар
2.	«Москваса выльмöдан да сöвмöдан банк» АКБ-лöн (ВАК) Сыктывкарын регионса филиал
3.	«Севергазбанк» КБ ВАК-лöн регионса шöрин – Сыктывкарса филиал
4.	«Севергазбанк» КБ ВАК-лöн Воркутаса филиал
5.	«Севергазбанк» КБ ВАК-лöн Сосногорскса филиал
6.	«Севергазбанк» КБ ВАК-лöн Ухтаса филиал
7.	«Газпромбанк» (ПАК) Ухта карын филиал
8.	«Таврическöй» Санкт-Петербургса АКБ-лöн (ВАК) Печораса филиал
9.	«Таврическöй» Санкт-Петербургса АКБ-лöн (ВАК) Сыктывкарса филиал
10.	«Российскöй Промышленнöй Банк» КБ-лöн (ИКК) Усинск карын филиал
11.	«Российскöй Промышленнöй Банк» КБ-лöн (ИКК) Сыктывкарын филиал
12.	«Московскöй Делöвöй Мир» АКБ-лöн (ВАК) Сыктывкарын филиал
13.	«Стройкредит» КБ ВАК-лöн Ухта карын филиал
14.	«Транскапиталбанк» АКБ-лöн (ПАК) Сыктывкарса филиал
15.	ВТБ банклöн (ВАК) Сыктывкарын филиал
16.	«Москваса банк» АКБ-лöн (ВАК)Сыктывкарса филиал
17.	«Регионъяс сöвмöдан ставроссияса банк» ВАК-лöн Усинск карын филиал
18.	«Россельхозбанк» ВАК-лöн Коми региональнöй филиал Сыктывкар
19.	«Промсвязьбанк» ВАК-лöн Сыктывкарса филиал
20.	«Северный кредит» КБ-лöн (ПАК) филиал Ухта к.
21.	«Петрокоммерц» КБ ВАК-лöн Ухта карын филиал

 

2010 вося тöвшöр тöлысь 1 лун вылö Коми Республикаса кредитнöй организацияяслöн ресурсъясыс 68,6 млрд. шайт. Республикаса асшöр банкъясын öтувтöма 19,2% ресурс подув, Россияса Сбербанклöн Коми Республикаын юкöнъяслы Коми Республикаса баковскöй секторлöн ресурсъясысь пайыс лоö 59,6%, мукöд регионса банкъяслы – 21,2%.

Ресурснöй базалöн медшöр юкöнсö лöсьöдöма йöзлöн вкладъяс да юридическöй кывкутысьяслöн тшöтъясын сьöм тшöт весьтö, кодъяслöн 2010 вося тöвшöр тöлысь 1 лун вылö банковскöй секторлöн став ресурсъясын удельнöй сьöктаыс лоö лöсялöмöн 61,3% да 13,3%.

2009 воын регионса кредитнöй организацияясын вкладъяс восьтысь йöзлöн став сьöмыс 42,1 млрд. шайт (асшöр уджалысьяслöн тшöтъяс вылын сьöмсö артавтöг).

2009 воын Коми Республикаса кредитнöй организацияясöн сетöма экономикалы 35,2 млрд. шайт заём ресурсъяс, йöзлы – 8,4 млрд. шайт. Бурджыка кутiсны сетны кредитъяс финансöвöй органъяслы да карса да районса администрацияяслы, содiс межбанковскöй кредитование.

 

Ичöт да шöр предпринимательство

2009 во пом вылö ичöт да шöр предприятиеяслöн лыдыс 14,3 сюрс единица да лоö республикаын 70% регистрируйтöм юридическöй кывкутысь. 23,7 сюрс морт нуöдöны асшöр удж.

Ичöт да шöр организацияслöн оборотыс, кöнi уджалысьяслöн шöркодь лыдыс 15 морт, лоö Коми Республикаса организацияяс серти 12%.

2009 волöн кывкöртöдъяс серти öти шöр да ичöт предпритятие вылö инвестициялöн шöркодь мындаыс лоö 930 сюрс шайт.

2009 воын республика пасьта торйöн вузасьöмын ичöт бизнеслöн пайыс 80,8%, мынтысян услугаяс серти – 35,9%.

Йöзлы пöшти 90% быт услугаяссö сетöны ичöт предпринимательство субъектъяс.

 

Шöр лыдпасъяс
2001 во	2002 во	2003 во	2004 во	2005 во	2006 во	2007 во	2008 во	2009 во
Ичöт предприятиеяс, единица
2891	3021	3573	3972	4533	6424	8666	11517	14280
Асшöр уджалысьяс, морт
31394	33569	34820	37346	18380	19931	21813	22967	23682
Ичöт предприятиеясын уджалысьяслöн шöркодь лыд, морт
34763	35142	41682	45431	49888	57798	62136	66011	38108*
Ичöт предприятиеяса уджалысьяслöн шöркодь удждон, шайт
4183	5201	6288	7104	8248	9230	11790	14016	15869*
Ичöт бизнес субъектъяслöн торйöн вузасьöм, млн. шайт
24500,7	28521,8	34714,3	43284,1	52678,2	62200,0	71362,5	88056,1	89461,8
Ичöт бизнес субъектъясöн сетöм мынтысян услугаяс, млн. шайт
1199,2	1654,4	2620,8	3251,8	4507,7	5053,0	6054,8	8070,9	11392,0

* - посни предприятиеяс лыддьытöг.

 

Экономика сöвмöдан шöр показательясын ичöт предпринимательстволöн удельнöй сьöкта
2001 во	2002 во	2003 во	2004 во	2005 во	2006 во	2007 во	2008 во	2009 во
Торйöн вузасьöмын, %
80,2	77,7	78,0	77,9	77,2	75,8	73,1	77,0	80,8
Йöзлы мынтысян услугаяс сетöмын, %
20,9	22,1	26,0	23,9	25,2	25,0	25,0	28,4	35,9